Goeiedag luugies hier wak weer.Ut veurjaor is in volle gang .Bie oons bint de eerste lammegies geboren.Zo af en toe voetbald de aagies ok nogMaor de resultaten bint niet echt goed.Teegn Drentina wurd mit acht iene verleuren.Ok teegn Flevo Boys wurd verleuren.En zo stunden de Aagies veur de winterstop nog in de middenmoot,staot ze noe in degradatiegevaor.Al die wiesheid komp niet van mij maor van die keerl van de voetbal en zien collega leider.

Goeiedag luugies hier wak weer.Tis nog niet egt voetbal weer e west.Maor net veurdat de winter begun ,die zaoterdag der veur,hept de aagies tog nog un wedstried e voetbald.Ze mussen naor Coevorden,waor de trener van de aagies woont.Ze mussen teegn Raptim voetballen.

Goeidag luugies,hier wak weer.Namens Lammegie en mij nog de beste weinsen en un gezond en sportief tweiduuzend twaalf.Nou luugies ei nog wat hat an dat resept van die ente hat ,ie hept ut dan tog wel zonder wiskie e daone.
De Aagies hadden ok un zaaltoernooi in die sporthal op Toekie.Ze bent wel leste e worden maor wat mij eigenluk teegn vul dat was dat er haost ielemaole gien vagies en moegies te kieken waarn.Meinsen ie zaten daor mooi warm en dreuge.

Goeiedag luugies,hier wak weer .Ut bint donkere daagn veur karst.Wie wagt allemaole op ut eerste sneivlokkie.Veurig jaor um disse tied wast allange winter.De leste wedstrieden van de Aagies bint wel afelast maor dat kump deur de reegn.Maor de Aagies treent nog wel,en ai dat veld ziet mien skaopies en pinkies wilt der nog niet iens un keuteltie op laoten vallen.Lest wak der ok weer iens te kieken.Der staot twei bushaltes op dat veld en daor staot die keerl van de voetbal altied samen mit zien collega leider.Ik freuge toen an un ,hier komt tog gien busse langs.Wij staot al drei kwartier te wachten zegt die collega leider van die keerl van de voetbal,maor ik hep der nog gien iene ziene .